Sweetology

Sweetology é a antoloxía de la pastelaría, 256 páxinas nun libro de gran formato. De La Pastisseria de Josep Maria Rodríguez. O campión do mundo de pastelaría compila no seu primeiro libro editado por Montagud Editores a súa filosofía e  a súa persoalísima obra. Nunha edición bilingüe castelán-inglés, o volume recolle as liñas que definen a marca creada e desenvolvida polo pasteleiro barcelonés nas dúas tendas que xestiona na súa cidade natal. A estrutura do libro permite tanto adentrarse no universo creativo de Josep María Rodríguez como acercarse á Pastelaría de forma iniciática a partir do desenvolvemento das técnicas, as fórmulas e os procesos que sustentan o bo oficio. A divulgación editorial de Sweetology susténtase no talento dun profesional chamado a encabezar a revolución que tanto ansía a Pastelaría nacional con vistas a proxectarse a nivel global, reforzando o poder da gastronomía representada polos chefs de vangarda. Precisamente en sinal de tributo e como mostra do potencial da pastelaría na cociña doce, Josep Maria Rodríguez interpretou con motivo do seu primeiro libro os idearios culinarios de Eneko Atxa (Azurmendi), David Muñoz (Diverxo), Paco Pérez (Miramar), Francis Paniego (El Portal del Echaurren), Ángel León (Aponiente), Josean Alija (Nerua), Albert Adrià (Tickets) e Jordi Roca (El Celler de Can Roca). Trátase dunha serie reciprocamente eloxiable na que o pasteleiro ideou unha composición individual inspirada en cada respectivo chef. Unha colección única de 8 individuais cuxo sabor e presentación xorden da aproximación pasteleira a 8 modos moi persoais de significar a vangarda.