Di André que o nome de ESPAZO ABELLA é porque a “Abella” é vital, saudable e traballa en equipo. Toda unha filosofía que resume o concepto desta empresa.
En Espazo Abella hai Paixón. Paixón e Respecto pola Gastronomía e a Cociña. Paixón por ensinar, para aprender, para cociñar, para degustar, para compartir momentos. Estamos abertos a un universo destinado a un dos praceres máis primitivos do Home.
Cos nosos “talleres monográficos” imos gozar aprendendo a preparar eses pratos que sempre quixemos saber facer. Dende as receitas máis sinxelas ás últimas tendencias gastronómicas. (Cociña de outono, cociña para xóvenes, como cociñar sen manchar moito…speaking&cooking… imos á praza con André…)
Lugar ideal para eventos privados: gozade das nosas instalacións a vosa disposición, o mesmo para celebracións que para reunións profesionais, para realizar sesións de traballo e logo almorzo. Un espazo de reunión con intimidade nun ambiente lúdico. Cóntanos que necesitas e nós axudámoste.
Como nos gusta que o pases ben na cociña ímoste ensinar como facelo. E como nos encanta comer o que cociñamos…, agora é cando toma valor a frase “Eu o guiso , eu o como”. Ti só tes que vir e gozar.
“A única maneira de facer un traballo xenial é amar o que fas”
(Steve Jobs)
Empresa xove, ESPAZO ABELLA abriu as súas portas no ano 2017 na procura dun espazo versátil onde poder sincronizar un aula de ensinanza para profesionais, talleres gastronómicos ou un espazo para realizar todo tipo de eventos (reunións de traballo e almorzo, celebracións,…) . Non podemos esquecer a tarefa de investigación: actualizarse tamén é importante no mundo da gastronomía, no que cada día xorden novidades que nos deixan sorprendidos. Espazo gastronómico onde a innovación e o I+D xogan un papel importante desenvolvido nun ambiente relaxado e cordial.
Este barco está capitaneado polo chef André Arzúa que, co seu talento, traballo e ilusión foi capaz de sacar adiante un proxecto co que soñou dende os seus comezos profesionais hai máis de 20 anos. Un soño que comparte co seu equipo que participa da súa ilusión e traballo. Para preparar os cursos, os talleres, está a xefatura de estudos, que ademais é laboratorio de investigación; un departamento comercial axuda na organización dos eventos entre outros.
E tamén contaremos con magníficos profesionais que prepararán talleres que nos deixarán sorprendidos como algún dos que xa fixemos, de panadería, bombonería, xeadería…
ESPAZO ABELLA un espazo versátil e adaptable
Un espazo ideal para grupos reducidos que o converte nun espazo confortable, facilitando a participación do grupo.
Dispoñemos dos equipos máis modernos e eficaces para realizar un traballo rápido e seguro. Instalacións equipadas cos mellores medios técnicos e tecnolóxicos, contamos tamén con equipo multimedia moi práctico tanto nos cursos, como nas reunións de traballo.
O deseño é vangardista á vez que práctico, aproveitando os espazos para crear un ambiente acolledor apropiado ás nosas reunións.
Ademais tamén contamos co noso propio horto onde recolectamos dende cenorias, porros, … ata herbas aromáticas. Incluso temos o noso galiñeiro! De onde obteremos moitos produtos para as nosas elaboracións.
Pero non deixedes de seguirnos xa que hai proxectos/soños que queremos que nos axudedes a conseguir para que as próximas experiencias sexan ideais.
Colaboradores e amigos, aos que sinceramente lles agradecemos o seu apoio e confianza no noso proxecto.
